Իրանական IRNA տեղեկատվական գործակալությունը, հղում կատարելով Իրանի խորհրդարանի խոսնակ Ալի Լարիջանիին, գրել է, որ Իրանում անհրաժեշտ է ստեղծել տնտեսական կոռուպցիայի դեմ պայքարի հատուկ կազմակերպություն
Նրա խոսքերով՝ կառույցը պետք է լինի դատական համակարգի մաս իսկ հետախուզական ծառայություններն ու իրավապաշտպան մարմինները պետք է աջակցեն նրան:
«Տնտեսական խոշոր կոռուպցիոն փաստերը հաճախ կապված են լինում իշխանական տարրերի հետ»,- ասել է Լարիջանին` հավելելով, որ նման հանցանքների համար նախատեսված է շատ խիստ պատիժ:
2011 թ. 183 երկրների շարքում կոռուպցիայի չափորոշիչներով Իրանը զբաղեցրել է 120-րդ հորիզոնականն այն դեպքում, երբ 2010 թ. զբաղեցրել է 146-րդ հորիզոնականը, ինչն էլ ցույց է տալիս կոռուպցիայի դեմ պայքարի գործում բացթողումները:
Այս վարկանշային աղյուսակում երկրի չափորոշիչը 2011-ին կազմել է 2,7 միավոր՝ 2010-ի 2,2-ի փոխարեն:
183 երկրների համար վարկանշային աղյուսակը 0-10 միավորանոց համակարգում տարբերակվում է ըստ պետական հատվածում կոռումպացվածության աստիճանի:
