Վենեսուելայի նախագահ Ուգո Չավեսի վիճակը մնում է ծանր և անկանխատեսելի,- հայտնել է Ուրուգվայի նախագահի կինը` սենատոր Լուիսա Տոպոլանսկին:
Նրա խոսքերով, իր ամուսինը` Խոսե Մուխիկան, ցանկացել է այցելել նրան, բայց նրան ասել են, որ դա հնարավոր չէ: ԶԼՄ-ների տեղեկացմամբ` Չավեսի դուստրերից բացի` Հավանայում են նաև` Վենեսուելայի փոխնախագահ Նիկոլաս Մադուրոն ու նրա կինը, գլխավոր դատախազ Սիլիա Ֆլորեսը, Ազգային ասամբլեայի նախագահ Դիոսդադո Կաբելյոն, գիտության ու տեխնոլոգիայի նախարար Խորխե Արրեասան, Բրինաս նահանգի նահանգապետ Ադան Չավեսը:
Երկրի ընդդիմությունը մտադիր է Հավանա պատվիրակություն ուղարկել Ուգո Չավեսի վիճակի բժշկակական ուսումնասիրության համար։ Այս մասին հինգշաբթի օրը հայտնել է Կարակասի քաղաքապետ Անտոնիո Լեդեսման,- փոխանցում է RIA Novosti-ն:
Չավեսը բուժվում է Կուբայում դեկտեմբերի 11-ին տարած քաղցկեղային ուռուցքի վիրահատությունից հետո: Վերջերս լուրեր են շրջանառվում, թե Չավեսի առողջական վիճակը կտրուկ վատացել է, այնքան, որ նախագահի մտերիմները մտադիր են անջատել նրա արհեստկան կեսնաապահովման սարքը, բայց իշխանությունները հերքում են այս տեղեկությունը:
«Ես Կուբա մեկնելու թույլտվություն չեմ խնդրում: Համարում եմ, որ մենք իրավունք ունենք հնարավորինս շուտ այնտեղ գնալու ու տեսնելու, թե ինչ է կատարվում: Մենք պետք է գնանք ու վերջ: Հերիք է գաղտնիքներ լինեն, Վենեսուելան Կուբայի գաղութը չէ»,- հայտարարել է Լեդեսման: Նրա խոսքով` պատվիրակության կազմում պետք է ընդգրկվեն նաև ընդդիմադիր նահանգապետեր Էնրիկե Կապրիլեսն ու Էնրի Ֆալկոնը, խորհրդարանի պատգամավորներ, բժիշկներ: «Մեր պարտքն է ստույգ իմանալ հիվանդության կլինիկական պատկերը, որով ներկայումս տառապում է մեր երկրի նախագահը»,- ավելացրել է նա:
Չավեսի նախագահության ընդունումը նշանակված է հունվարի 10-ին, բայց չի բացառվում, որ հիվանդության պատճառով այդ օրը կհետաձգվի, նույնիսկ՝ որ Չավեսի երդմնակալությու նը տեղի կունենա Հավանայում Վենեսուելայի դեսպանատանը:
