Հագնելով ամենաշքեղ կոստյումը՝ ունենում ես բարդ, ոչնչի հետ չհամեմատվող զգացումներ:
Չնայած համաշխարհային տնտեսական ճգնաժամին՝ 5000 դոլար արժողությամբ կամ էլ պատվերով կարված կոստյումները, որոնք ավելի թանկ արժեն, նախկինի պես մեծ արագությամբ են վաճառվում: Թանկարժեք կոստյումն իր կրողին անասելի մեծ ինքնավստահություն է ներշնչում:
William Fioravanti-ի կոստյումը
Ուիլյամ Ֆիրովանտին անզուգական դերձակների ընտանիքից է: Իր երկար ճանապարհը նա սկսել է 35 տարեկանից: Ֆիրովանտին ունի նաև պատրաստի կոստյումների շարք՝ 5500-7000 դոլար արժողությամբ, իսկ պատվերով կարվող կոստյումների արժեքը երբեմն հասնում է մինչև 20000 դոլարի:
Brioni-ի Vanquish II
Իտալական Brioni բրենդը հատկապես հետաքրքիր է նրանով, որ 2008 թ. աշնանը թողարկել է տղամարդու հագուստի Vanquish II շարքը:
Ինչպես երևում է, ռեցեսիան չի ազդում նման իրերի վաճառքի վրա՝ չնայած դրանց արժեքին: Vanquish II-ի գինը մոտ 43000 դոլար է: Աշխարհում գոյություն ունի նման կոստյումների գրեթե 100 օրինակ, որոնք իրականացվել են 14 տարբեր ոճերում: Brioni-ի կոստյումի ստեղծման համար հարկավոր է 10 ժամվա ձեռքի աշխատանք, 18 ժամվա աշխատանք մանր դետալների հետ և արդուկելու 42 փուլեր:
Kiton K-5
Kiton K-5-ում ամենահատկանշականն այն է, որ նրա ստեղծող Էնցո Դ’Օրսին միայնակ կարող է շքեղ կոստյում ստեղծել: Չափումներից մինչև ստեղծագործության հանձնումը նրան օգնականներ հարկավոր չեն: Նա պատրաստ է գնալ գնորդի մոտ՝ թեկուզ մինչև աշխարհի ծայրը, որպեսզի չափումներ իրականացնի:
К-5 ամենաթանկ կոստյումների շարքն է: Բրդից և ավստրալիական ու նորզելանդական մերինոսից այս գլուխգործոցները պատվիրատուին արժենում են 30000-50000 դոլար: Վարպետը նմանատիպ կոստյումի վրա ծախսում է 50 ժամ: Kiton-ն ունի նաև «մատչելի» պատրաստի կոստյումներ, որոնք արժեն 5500 դոլար, իսկ պատվերովները՝ 21000 դոլար:
Alexander Amosu
Աշխարհում թանկությամբ երկրորդ կոստյումը ստեղծվել է 36-ամյա վարպետ Ալեքսանդր Ամոսուի կողմից: Դիզայները մասնագիտանում է էքսկլյուզիվ թյունինգի ուղղությամբ:
Alexander Amosu-ի կոստյումը կարվել է 2009 թ.՝ անանուն մեկի պատվերով, ով աշխատանքի համար վճարել է 103 000 դոլար: Իհարկե, գործվածքը, որը ստեղծված է եղել հարավամերիկյան ուղտանման կենդանու բրդից, ամենաթանկարժեքն է եղել աշխարհում: Իհարկե, նաև դրանով է պայմանավորված կոստյումի բարձր գինը, սակայն դիզայները ծախսել է 80 ժամ և 50 չափում է իրականացրել: Նա նաև կարողացել է հենց գործվածքի մեջ հյուսել 18 կարատանոց ոսկի և զարդարել այն 9 ոսկե կոճակներով, որոնք իրենց վրա ադամանդներ են կրել: Ամոսուն կոստյումը պատվիրատուին է ուղարկել զրահապատ Range Rover-ով:
R. Jewels
Դիզայներ Ստյուարտ Հագսը, ինչպես Ամոսուն, հիմնականում հայտնի է ամեն տեսակ գաջեթների թյունինգով: Բայց դա մինչ այն պահն էր, երբ նա սկսեց աշխատել դերձակ Ռիչարդ Ջուելսի հետ՝ աշխարհում ամենաթանկարժեք կոստյումի ստեղծման համար:
Կոստյումն արժեցել է… 900 000 դոլար։ Դրա վրա կատարվել է 600 ժամվա ձեռքի աշխատանք: Աշխարհում կա ընդամենը երեք այդպիսի կոստյում։ Այն անվանվել է պարզ և հասարակ՝ The Suit: Գործվածքը մետաքսի և քաշմիրի խառնուրդ է, զարդարված է 0,5 կարատանոց 480 ադամանդներով: Որպեսզի ավելի ուրախացնեն հաճախորդին, Հագսը և Ջուելսը նրան հրավիրում են կարիբյան Սանտա-Լյուչիա կղզի՝ ամբողջությամբ վճարելով ուղևորության արժեքը: Նրանք կարող են դա իրենց թույլ տալ:
