ԱՄՆ Առափնյա պահպանության փրկարարները տարհանել են «Կուլլուկ» հորատման հարթակի 18 հոգանոց անձնակազմին, որը Ալյասկայի ծոցում հայտնվել էր փոթորկի հարվածի տակ: Այս մասին հայտնել է նավթարդյունահանող Shell ընկերության մամլո քարտուղար Քերթիս Սմիթը՝ փոխանցում է ITAR-TASS-ը:
Նրա խոսքով՝ ներկայում հորատման հարթակի անվտանգ վայր են տեղափոխում երկու նավեր:
Փոթորկի ժամանակ պլատֆորմը քարշ տվող նավի շարժիչները շարքից դուրս են եկել, ինչի հետևանքով հորատման հարթակը սկսել էր դանդաղ լողալ: Առկա էր Ալյասկայի ծոցի կղզիներից մեկի հետ բախվելու սպառնալիք: Ընկերության ղեկավարությունը որոշել էր տարհանել անձնակազմին:
Անձնակազմի անդամներին ուղղաթիռով տարհանելուն խանգարել է ուժեղ քամին, որի արագությունը կազմել է 100կմ/ժամ: Արդյունքում՝ օգնության է եկել ԱՄՆ Առափնյա պահպանության նավը:
