«Ամերիաբանկ» ընկերությունների խումբը Հայաստան է հրավիրել Առաջնորդության զարգացման աշխարհի խոշորագույն կենտրոններից մեկի՝ INSEAD բիզնես դպրոցի պրոֆեսոր, հանրաճանաչ KDVI առաջնորդության զարգացման խորհրդատվական ընկերության նախագահ Մանֆրեդ Կե դե Վղիենին և նրա կնոջը՝ էլիզաբեԱլժելուին: Նրանց մասնակցությամբ երկու օր կազմակերպվելու են «Առաջնորդության մարտահրավերներ 2014» թեմայով վարպետության դաս և բարձր ու միջին օղակների ղեկավարների համար նախատեսված առաջնորդության հմտությունների դասընթաց:
Մանֆրեդ Կե դե Վղիենի խոսքով՝ առաջնորդությունն ունի մի քանի «հիմնարար մեղքեր», որոնք անհրաժեշտ է հաղթահարել: «Առաջինը, որ ես միշտ շեշտում եմ, այն է, որ պետք է դու ինքդ քեզ ավելի լավ ճանաչես և հասկանաս, թե ուրիշների հետ ինչպես ես հաղորդակցվում, կողքից քեզ տեսնես: Դա քեզ թույլ կտա ավելի լավ որոշումներ կայացնել: Երկրորդ մեղքն այն է, թե ինչպես լավագույնս դուրս քաշես, կորզես քո ենթականերից: Երրորդը՝ պետք է հաղթահարել ինքնագոհությունը, ամբարտավանությունը: Չորրրոդը՝ պետք է հասկանալ, որ լավագույն խոշոր ընկերությունները թիմային առավելություն ունեն: Պետք է ստեղծել շատ լավ կատարողականներով թիմային միջավայր: Եվ հինգերորդ մեղքն այն է, որ չափից շատ ընկերություններում «Գուլակի» պես ուղղիչ աշխատանքային գաղութի մթնոլորտ է տիրում, և դա նպաստավոր չէ: Ընդհանրապես, պետք է ունենալ մարդամոտ և արդյունավետ թիմ: Հուսով եմ, որ իմ այսքան խոսելուց հետո ինչ-որ փոշի կնստի մասնակիցների վրա»,-դասընթացի ավարտին լրագրողների հետ զրույցում ասաց Մանֆրեդ Կե դե Վղիենը:
INSEAD բիզնես դպրոցի մենեջմենթի պրոֆեսոր Էլիզավետ Ալժելուն նշեց, որ «Ամերիա» խմբի աշխատակիցների դեպքում, ճիշտ նույն խնդիրն է, ինչ բոլոր խոշոր կազմակերպություններում:
«Հաղորդակցության խնդիրներ կան՝ գործընկերների միջև հաղորդակցության, թիմային հաղորդակցության խնդիրներ: Եվ հետո՝ մարդիկ միկրոմենեջմենթով շատ են տարվում, շատ են խորամուխ լինում ամեն ինչի մեջ, որը դժվար հաղթահարվող խնդիր է: Բացի դրանից՝ երբ դու առաջնորդում ես մարդկանց կամ թիմում գործընկեր ես, պետք է կարողանաս օգտվել զգացական բանականությունից»,- իր հերթին ընդգծեց Էլիզաբեթ Անժելուն:
Սա հնարավորություն է մեր թիմի համար՝ լսելու աշխարհի թոփ 50 առաջնորդության մասին մասնագետների խոսքն ու պատկերացումները: Սա հնարավորություն է ընկալել ինքդ քեզ և հասկանալ, թե ինչ կարողություններ ունես, և դրանցից որոնք պետք է զարգացնես: Մեր ամբողջ թիմը շատ է ոգևորվում նմանատիպ միջոցառումներից: Այս ամենը մարդուն փոխում է սկզբունքորեն: Փոխում է ընկալումը, թե ինչի համար ես աշխատում: Այս մարդիկ կարողանում են փոխել»,- գնահատելով դասընթացը՝ նկատեց «Ամերիա» ընկերությունների խմբի զարգացման գծով տնօրեն Տիգրան Ջրբաշյանը:
