Էդուարդ Կիրակոսյան- Հայաստանի արդյունաբերողների և գործարարների (գործատուների) Միության գործ. տնօրեն
Ինֆորմացիոն տեխնոլոգիաների ձեռնարկությունների միությունը /ԻՏՁՄ/ ս.թ. հոկտեմբերի 31-ից նոյեմբերի 1-ը կազմակերպում է Բիզնես Ինովացիոն 2-րդ ֆորումը, որը տեղի կունենա Դիլիջան քաղաքում՝ «Բեսթ Վեսթերն Փարադայզ» համալիրում:
Այս տարի Բիզնես Ինովացիոն ֆորումը նվիրված է Հայաստանում տեխնոլոգիական կրթության և տեխնոլոգիական գործարարության զարգացմանը:
«Ակնհայտ է, որ Հայաստանի ՏՀՏ ոլորտի ձեռնարկությունները, ժամանակակից պահանջներին համաքայլ գնալու համար, որակյալ մասնագետների պահանջարկ ունեն: Ապագայի ամենաարդյունավետ ներդրումն այսօր պետք է լինի տեխնոլոգիական կրթության ոլորտում: Այս առումով մենք հատկապես կարևորում ենք առաջատար ինովացիոն երկրների փորձը»,-ասում է Ինֆորմացիոն տեխնոլոգիաների ձեռնարկությունների միության գործադիր տնօրեն Կարեն Վարդանյանը:
Ֆորումին բարձր տեխնոլոգիաների ոլորտի ամենահեղինակավոր ներկայացուցիչներից մասնակցում է Իսրայելի վենչուրային արդյունաբերության հիմնադիր Յիգալ Էրլիխը, ով կներկայացնի Իսրայելի ինովացիոն զարգացման փորձը (համառոտ տեղեկությունները՝ կից):
Բիզնես Ինովացիոն ֆորումը այն հարթակն է, որտեղ կներկայացվի տեղական և համաշխարհային փորձը, կծավալվի գործնական քննարկում բոլոր շահագրգիռ կողմերի մասնակցությամբ և կտրվեն համապատասխան լուծումներ, 2018 թվականին Հայաստանը աշխարհի 20 ամենանորարար երկրների շարքում դիրքավորելու համար:
Ֆորումին մասնակցում են տեղական և արտասահմանյան բիզնեսի, բիզնես միավորումների և ասոցիացիաների, պետական կառավարման մարմինների, դիվանագիտական ներկայացուցչությունների, խորհրդատվական ընկերությունների, կրթական հաստատությունների, միջազգային կազմակերպությունների և ԶԼՄ-ների ներկայացուցիչներ:
Բիզնես Ինովացիոն ֆորումի նպատակն է ձևավորել հարթակ, որտեղ թեմատիկ քննարկումների, գործարար ներկայացումների, գործնական շփումների և հանգստի համատեղման միջոցով կարող ենք նպաստել Հայաստանում բիզնեսի արդյունավետության բարձրացմանը:
Ֆորումն անցկացվում է ՀՀ վարչապետի բարձր հովանու ներքո և մասնակցությամբ: Միջոցառմանն աջակցում է Հայաստանի արդյունաբերողների և գործարարների (գործատուների) Միությունը:
