Երգիչ Ջասթին Թիմբերլեյքն ու Ջեսիկա Բիլը, որը վերջերս էր հայտարարել իր հղիության մասին, դատական հայց են ներկայացրել Իռլանդիայի Գերագույն դատարան, հայտնում է cosmo.ru-ն:
Նրանց վրդովել էր չարախոսությունը, որը, նրանց կարծիքով, պարունակվում է Heat ամսագրի հոդվածում, որը թողարկում է Bauer Media Group հրատարակչությունը:
Զույգը վրդովված է հոդվածի բովանդակությունից, լուսանկարներից ու մեջբերումներից:
Բայց թե ինչն է հարուցել Թիմբերլեյքի զայրույթը՝ հայտնի չէ: Հնարավոր է՝ խոսքն այն նյութի մասին է, որում գրված է, թե ինչպես է Ջասթինը արգելում Ջեսիկային հղիանալ ամուսնալուծության սպառնալիքի ներքո:
Հնարավոր է՝ աստղերը Դուբլինի դատարան հայց էին ներկայացրել այն պատճառով, որ ամսագիրը վաճառվում է Իռլանդիայում և ամբողջ Եվրոպայում:
