«Դեմ ենք Մաքսային միությանը» ֆեյսբուքյան նախաձեռնության մեկ տասնյակ անդամներ այսօր Ազատության հրապարակից երթով շարժվեցին դեպի Բաղրամյան 26՝ իշխանություններից պահանջելու հոկտեմբերի 10-ին չստորագրել Մաքսային միությանը Հայաստանի անդամակցության համաձայնագիրը։
Երթի մասնակիցները «23 տարվա անկախությունը պրծա՞վ, սենց հե՞շտ», «Հայաստանի Հանրապետությունն ինքիշխան ժողովրդավարական պետություն է» գրությամբ պաստառներով, «Ազատ, անկախ Հայաստան» վանկարկելով ոստիկանների ուղեկցությամբ շարժվել են Բաղրամյան պողոտայով։
