Ուկրաինայի նախկին վարչապետ Յուլյա Տիմոշենկոյի շահերի լոբբինգով ԱՄՆ-ում զբաղվում են հատուկ վարձու մարդիկ, այդ թվում՝ ԱՄՆ Պետդեպարտամենտում, հայտարարել է Ուկրաինայի գլխավոր դատախազ Ռենատ Կուզմինը` «Շուստեր Live» հաղորդման ժամանակ:
Ինչպես փոխանցում է ITAR-TASS-ը, Ուկրաինայի գլխավոր դատախազը հայտարարել է, որ «այս անօրինականություններին մասնակից են «Վիլի Ռեյն» լոբբիստական ընկերությունից Ջո Վիլյամսոնն ու Ռալֆ Չաչը, որոնց վարձել է Տիմոշենկոյի ամուսինը՝ Ալեքսանդրը, ԱՄՆ-ում կնոջ դրական իմիջ ստեղծելու համար»:
Կուզմինը նաև հայտարարել է, որ գերմանացի բժիշկների եզրակացությունը խոչընդոտում է Յուլյա Տիմոշենկոյին նոր մեղադրանքներ առաջադրելուն` երկրի խորհրդարանի պատգամավոր Եվգենի Շչերբանի սպանության հրաման տալու համար:
Գերմանացի բժիշկները հայտարարել են, որ Տիմոշենկոյին խորհուրդ չի տրվում հարցաքննել առողջությունը չվտանգելու համար:
Ինքը ՝ գլխավոր դատախազը, պատրաստ է սպասել: Նրա խոսքով՝ «Գլխավոր դատախազության քննչական խումբը բավարար քանակությամբ ապացույցներ ունի մեղադրանքներ առաջադրելու համար:
