Հունաստանի չորս խոշորագույն բանկերից երկուսը ռեկապիտալիզացիայի պահանջների հաշվետվություն են ներկայացրել: Ինչպես հաղորդում է RIA Novosti-ն, Piraeus Bank-ը հաղորդել է, որ իրեն անհրաժեշտ է 7.3 միլիարդ եվրո, իսկ Eurobank-ը պահանջել է 5.8 միլիարդ եվրո:
Ակնկալվում է, որ ուրբաթ իրենց պահանջների մասին կհաղորդեն երկրի խոշորագույն Bank of Greece-ը և Alpha Bank-ը:
Եվրամիությունը խոստացել է միջոցներ տրամադրել այս բանկերի ռեկապիտալիզացիայի համար, որոնք տուժել են հունական պարտքի վերակառուցումից և պետական պարտատոսերի հետ գնման գործողություններից: 2011 թ. տվյալներով, չորս բանկերը կրել են 28 միլիարդ եվրոյի վնաս:
Standard & Poor’s Ratings Services միջազգային վարկանիշային գործակալությունը չի բարձրացրել հունական բանկերի վարկանիշը երկրի սուվերեն պարտքից հետո, որը բարձրացվել էր միանգամից վեց աստիճանով՝ B-ից մինչև SD (ընտրովի դեֆոլտ): Գործակալությունը չորս բանկերի երկարաժամկետ և կարճաժամկետ վարկանիշները հաստատել է ССС/С մակարդակների վրա՝ բացասական կանխատեսումով:
