Հայաստանում հայտնաբերված՝ 327 հազար տարվա վաղեմության նմուշները ցույց են տվել գիտնականներին, որ նոր տեխնոլոգիաները նախամարդկանց մոտ առաջացել են ինքնուրույն և մշտապես, այլ ոչ թե տարածվել այն տարածաշրջանից, որտեղ դրանք առաջին անգամ ստեղծվել են:Այս մասին գրում են Science ամսագրում հրապարակված հոդվածի հեղինակները:
Հազարավոր գործիքներ են հայտնաբերվել Նոր Գեղի 1 համալիրում, որտեղ լավային երկու հոսքերի արանքում պահպանվել է հնագույն հողի բարակ շերտ: Գտածոները 325-335 հազար տարի առաջվա թվագրում ունեն: Գտածոների շարքում կան բիֆասներ՝ քարե հատիչներ և ավելի բարակ ու սրածայր տեսակներ (Լևալուա արդյունաբերություն): Հնագետները կոպիտ բիֆասներից անցումն ավելի սրածայր գործիքների համարում են միջին պալեոլիթի մեկնարկի նշան (մոտ 300 հազար տարի առաջ):
Ավանդաբար համարվել է, որ Լևալուա արդյունաբերության գյուտը ծնունդ է առել Աֆրիկայում, իսկ Եվրասիայում հայտնվել է մի մայրցամաքից մյուսը նախամարդկանց միգրացիայի ընթացքում:
