Եգիպտոսի Բարձրագույն զինվորական խորհուրդը հերքել է այն լուրերը, համաձայն որոնց, Խորհուրդը երկրի նախագահի ընտրությունները տեղափոխել է 2012 թ. կեսին: Խորհրդի հայտարարության մեջ ասվում է, որ ժամանակավոր իշխանությունները ձգտում են որքան հնարավոր է՝ արագ իշխանությունը փոխանցել ընտրված նախագահին:
Կիրակի օրը եգիպտական Al-Masri Al-Youm կայքը հայտնել էր, որ Բարձրագույն զինվորական խորհուրդը որոշում է կայացրել Եգիպտոսի նախագահական ընտրությունները մեկ տարով հետաձգելու վերաբերյալ: Նույն աղբյուրը նշում էր, որ խորհրդարանական ընտրությունները պետք է կայանան 2011 թ. դեկտեմբերին: Կայքը նշում էր, որ զինվորականները մինչև 2012 թ. սեպտեմբեր նախատեսում են նոր սահմանդրություն ընդունել նախագահական ընտրություններ անցկացնելու համար: Ավելի վաղ մի շարք քաղաքական գործիչներ առաջարկել էին նախագահական և խորհրդարանական ընտրությունները տեղափոխել` ելնելով նոր սահմանադրություն ընդունելու անհրաժեշտությունից: