ԱՄՆ-ը Սիրիայում հարվածներ է հասցրել ոչ միայն «Իսլամական պետության», այլև մեկ այլ` «Ալ-Քաիդա»-ի հետ կապված ծայրահեղական խմբավորման դիրքերին: Ինչպես նշել է ԱՄՆ նախագահ Բարաք Օբաման` խմբավորումը հայտնի է «Խորասան» անվամբ, գրում է RIA NOVOSTI-ն:
ՄԱԿ-ում Սիրիայի մշտական ներկայացուցիչը` Բաշար Ջաֆարին հայտնել է, որ «Իսլամական պետության» դիրքերին Սիրիայում ԱՄՆ-ի կատարելիք ավիահարվածների մասին նրան անձամբ տեղեկացրել է ՄԱԿ-ում ԱՄՆ մշտական ներկայացուցիչ Սամանտա Փաուերը երկուշաբթի առավոտյան:
Այս տեղեկությունը, սակայն, հերքվում է ԱՄՆ պետդեպի կողմից. Վաշինգտոնը չի նախազգուշացրել Սիրիայի իշխանություններին «Իսլամական պետություն» խմբավորման դիրքերին ավիահարվածներ հասցնելու մասին Սիրիայի տարածքում և չի համաձայնեցրել գործողությունները Դամասկոսի հետ:
«Մենք Սիրիայի թույլտվությունը չենք խնդրել: Մենք չենք համաձայնեցրել մեր գործողությունները սիրիական կառավարության հետ»,- ասել է ԱՄՆ պետդեպի ներկայացուցիչ Ջեն Փսաքին:
