Անգլիական Քենթ կոմսության բնակիչ Ալ Ֆերգյուսոնը պրոֆեսիոնալ ֆոտոսեսիա է իրականացրել 4 օրական որդու՝ Թեդի հետ, երբ տեղի է ունեցել անսպասելի դեպք: Նա զավեշտալի լուսանկարը տեղադրել է իր բլոգում՝ որդուն դարձնելով համացանցային աստղ: Այս մասին հայտնում է The Daily Mail-ը:
Սև և սպիտակ լուսանկարի համար հայրը գրկել էր որդուն և դիրքավորվել, և հենց այդ պահին երեխան կեղտոտել է հայրիկի թևին:
26-ամյա Ֆերգյուսոնն այդ պահին անօգնական շուրջն է նայել, իսկ մաքրվելուց հետո չդիմադրելով գայթակղությանը՝ լուսանկարն ի ցույց դրել աշխարհին:
