Իրանի Կենտրոնական բանկը միջազգային միջնորդների «վեցյակի» հետ նախկինում ձեռք բերված համաձայնության շրջանակներում 1 մլրդ դոլար է ստացել սառեցված միջոցներից, որոնք ստացվել էին Ճապոնիային նավթի վաճառքից, հինգշաբթի հաղորդում է IRNA գործակալությունը։
Գործակալության տվյալներով՝ Ճապոնիան միջոցները հատկացրել է երկու տրանշով, և դրանք փոխանցվել են Օմանում Իրանի ԿԲ-ի մասնաճյուղին։ Առաջիկա չորս ամսում միջուկային ծրագրի դադարեցման համար Իրանը 2.8 մլրդ դոլար կստանա՝ ի հավելումն արդեն սառեցված 4.2 մլրդ դոլարի միջոցների։
Ճապոնիան, Հնդկաստանն ու Հարավային Կորեան իրանական նավթի խոշորագույն ներկրողներ են։
