Իրաքյան զինվորականները զբաղեցրել են Ամիրլի քաղաքը` այն ազատելով «Իսլամական պետության» գրոհայինների շրջափակումից:
Ինչպես հաղորդում է Reuters գործակալությունը՝ հղում անելով իրաքյան գեներալ-լեյտենանտ Քասիմ Ալ-Մուսավային, ներկայումս զորքերը հասել են քաղաքին: Գործողության մանրամասները դեռ չեն հաղորդվել:
Տեղի քաղաքական գործիչ Ֆավզի Աքրամ Ալ-Թարզին մանրամասնել է, որ զինվորականները քաղաք են մտել երկու կողմից, և հիմա բնակչության շրջանում հումանիտար օգնություն են բաժանում:
Ամիրլիի թուրքմեն բնակիչները ավելի քան երկու ամիս ծայրահեղականների կողմից շրջափակված են եղել՝ անհասանելի լինելով խմելու ջրին և սննդի:
Զինվորականները մի քանի անգամ չհաջողված փորձեր են ձեռնարկել ազատագրելու Ամիրլին և կարողացել են միայն հումանիտար օգնություն հասցնել քաղաք:
