Հոլիվուդյան դերասան Լեոնարդո Դի Կապրիոն խոստովանել է, որ շատ է ցանկանում Դևիդ Բեքհեմի մարմնի պես մարմին ունենալ: Լեոնարդոն ինքն իրեն երեք ամիս ժամանակ է տվել ավելորդ կիլոգրամներից ազատվելու համար: Ըստ աղբյուրի՝ Դի Կապրիոն երազում է իր 40-ամյակին լավ մարմին ունենալ: Նշենք, որ իր տարեդարձը նա նշելու է նոյեմբերին, գրում է Lady.ru-ն:
«Լեոն որոշել է, որ նախկին կազմվածքին վերադառնալու համար բավականին հարմար ժամանակ է: Նա ամռանը բազմաթիվ երեկույթների է մասնակցել, և դա ակնհայտորեն ազդել է նրա կազմվածքի վրա»,- նշել է աղբյուրը:
Դերասանը հավանաբար հասկացել է, որ ինչքան երկար է նա հետաձգում սպորտով զբաղվելը, այնքան դժվար կլինի նրա համար հետագայում վերականգնել իր մարմինը: Հենց այդ պատճառով էլ Լեոնարդոն սկսել է մարզվել սպորտդահլիճում:
«Նա իր հայտնի մարզչին ասել է, որ ցանկանում է մինչև նոյեմբեր Դևիդ Բեքհեմի մարմնի պես մարմին ունենալ: Ընդ որում՝ նա լավ հասկանում է, որ գլխավոր դերերի համար մրցակցում է այնպիսի դերասանների հետ, ինչպիսիք են Բրեդ Փիթն ու Ջորջ Քլունին»,-ավելացրել է աղբյուրը:
Ուժային վարժություններից բացի Դի Կապրիոն դիետա է պահում:
«Նա հրաժարվել է մակարոնեղենից և մտադիր է շատ աշխատել, շարժվել և հեծանիվ վարել»,- ասել է մեկ այլ աղբյուրը:
