Ադրբեջանական Turan լրատվական գործակալության փոխանցմամբ՝ 2012 թվականի առաջին 11 ամիսներին «Բաքու-Թբիլիսի-Ջեյհան» (ԲԹՋ) նավթամուղով փոխադրվել է 2,820,016 տոննա թուրքմենական նավթ: Դա 22.6 տոկոսով (787,747 տոննա) ավելին է՝ համեմատած 2011 թվականիհաշվետու ժամանակահատվածի հետ:
Այս մասին հայտարարել է Ադրբեջանի պետական նավթային ընկերության (SOCAR) մամուլի ծառայությունը: Վերջինիս տվյալներով՝ միայն նոյեմբերին ԲԹՋ-ով փոխադրվել է 243,501 տոննա թուրքմենական նավթ, ինչը 47,651 տոննայով ավելին է, քան՝ նախորդ տարվա նոյեմբերին:
2010 թվականին ԲԹՋ-ով փոխադրվել է 1,270,000 տոննա, 2011 թվականին՝ 2,237,027 տոննա թուրքմենական նավթ: Դեկտեմբերի 1-ի դրությամբ, ընդհանուր առմամբ, ԲԹՋ-ով փոխադրվել է 6,327,043 տոննա թուրքմենական նավթ:
