Կահիրեում Իսրայելի հետ ոչ մի նոր բանակցություն չի լինի, քանի դեռ իսրայելական կողմը նախնական կարգով չի համաձայնել պաղեստինցիների օրինական բոլոր պահանջներին: Այս մասին հինգշաբթի օրը հայտարարել է Գազայի հատվածում ՀԱՄԱՍ շարժման ղեկավարության ներկայացուցիչ Մուշիր ալ-Մասրին, հաղորդում է ITAR-TASS-ը:
Նրա խոսքերով՝ այդ պայմանավորվածութունը ձեռք է բերվել Դոխում, իսլամիստների քաղբյուրոյի ղեկավարների, Պաղեստինի Պետության նախագահ Մահմուդ Աբասի և Քաթարի էմիր շեյխ Թամիմ բեն Համադ Ալ Թանիի մասնակցությամբ հանդիպման ժամանակ:
Նա նշել է նաև, որ «թնամին պետք է իմանա, որ մեզ հետ խորամանկել չի ստացվի»: «Հարկավոր է, որպեսզի պաղեստինյան բոլոր խմբակցությունները վստահ լինեն, որ զավթող կողմը կբավարարի մեր պահանջները, կամ ստիպված կլինենք նոր երկարատև պատերազմ մղել, որին պաշտպանությունը լավ է պատաստված»,- ասել է ալ-Մասրին:
Պաղեստինցի նախագահին մոտ ժամանակում սպասում են Կահիրեում, որտեղ նա կհանդիպի Եգիպտոսի նախագահ Աբդել Ֆաթահ աս-Սիսիի հետ: Ավելի վաղ հաղորդվում էր, որ Աբասը Եգիպտոս կժամանի օգոստոսի 23-ին:
