Շանհայի մետրոյի վագոնում իարարանցում է սկսվել, երբ մի օտարերկրացի ուշագնաց է եղել: Դեպքը տեղի է ունեցել օգոստոսի 9-ին, սակայն ԶԼՄ-ներն այդ մասին տեղեկացել են միայն օգոստոսի 20-ին: Տեսխցիկները արձանագրել են, թե ինչպես են ուղևորները 10 վայրկյանում փախնում՝ նույնիսկ չփորձելով օգնություն ցուցաբերել տղամարդուն: Ավելի վաղ, երկրում լուրեր էին տարածվել այն մասին, որ Էբոլայի վիրուսը մարդկանց զոմբիացնում է:
Shanghaiist կայքը հաղորդում է, որ սա արդեն ենթադրյալ վտանգի հանդեպ, մետրոյում ուղևորների արտակարգ արձագանքի երկրորդ դեպքն է:
Տեսագրություններում երևում է, որ օտարերկրացին կորցրել է գիտակցությունը և նրա գլուխն ընկել է կողքին նստած կնոջ ուսին: Նա մի քանի վայրկյան նստարանին պառկած է մնացել, սակայն գնացքի արգելակման հետ ընկել է գետնին:
Կատարվածին հետևող հինգ ուղևորներ 10 վայրկյանում լքել են վագոնը: Բարեբախտաբար, տղամարդը ուշքի է եկել և գնացքից դուրս եկել արդեն հաջորդ կայարանում:
