«Պիտի լինի ազգային կոնսոլիդացիա հանուն ավելի բարձր աժեքի, որը պետականությունը, անկախությունն ու տարածքային ամբողջականությունն են։ Եվ այստեղ քաղաքացիական կամ քաղաքական ուժերը, առահասարկ ոչ ոք իրավունք չունի դրա դեմ ոտնձգություն կատարելու»,- «Առաջին լրատվականի» հետ զրույցում ասաց «Դ!ԵՄ ԵՄ» նախաձեռնության անդամ Դավիթ Մանուկյանը՝ հավելով, թե բնական է այն, որ, սահմանային միջադեպերի սրացմանը զուգընթաց, հասարակությունը միախմբվեց, քանի որ երբ կա արտաքին վտանգ, քաղաքական ուժերի պայքարն ու երկփեղկվածությունը պիտի մի կողմ դրվեն: Իսկ վերջին շրջանում թե ԼՂՀ-ում, թե ՀՀ-ում սահմանայինի միջադեպերի սրացումները իսկապես լուրջ վտանգ են ներկայացնում, չնայած, ի պատիվ մեր բանակի, հակառակորդին կարողանում ենք դիմագրավել և արժանի հակահարված տալ: Սակայն ըստ նրա՝ ինչքան էլ կա արտաքին վտանգ, բայց ներսում եղած լուրջ խնդիրների մասին չի կարելի մոռանալ։
«Մենք մեր երկրում ինչ-որ չափով բանտարկված ենք, բոլորիս մտքում կա բանտարկվածություն։ Երբ որ հասարակությունը բաց է, ճնշման տակ չէ, ազատ է, ու այսպիսի նորմեր չեն տիրում, այդ հասարակությունն ավելի ուժեղ է, հատկապես երբ քո թշնամին միջնադարին հատուկ փակ և ֆեոդալական տիպի երկիր է»,- ընդգծեց Դավիթ Մանուկյանը՝ ավելացնելով, որ եթե նմանվենք նրան, մեր շահերից չի բխի, եթե լինեք դեմոկրատ, ժողովրդավար, ազատ, մարտունակության հետ մեկտեղ ավելի հեշտ կպայքարենք հարևան «խալիֆաթի» դեմ:
Նախաձեռնության անդամներից Արսեն Մանուկյանը ևս ընդգծեց, որ ներքին խնդիրները բազմաթիվ են, բայց կա նաև արտաքին խնդիր, որը կարող է առաջնահերթ լինել, ուստի ներկայիս կոնսոլիդացիան բնական է, բայց հասարակությունը պիտի աչալուրջ լինի ոչ միայն արտաքին ագրեսայի առնչությամբ, այլ նաև ներքին կարևորագույն խնդիրների ՝ հանուն Հայաստանի ապագայի. «Պետք չէ տարբերակել արտաքին և ներքին հարցերը, պետք է ունենալ կայուն, ուժեղ հայրենիք, որը կարող է թե դիմագրավել արտաքին մարտահրավերներին և թե լուծել ներքին խնդիրները»:
Առավել մանրամասն՝ տեսանյութում։
