Կարծում եմ՝ Վրաստանում իրավիճակը կփոխվի շատ արագ։ Բայց կցանկանայի, որ Վրաստանում իրավիճակը վերաճի նույնպիսի Մայդանի, ինչպես Ուկրաինայում։ Ես կցանկանայի, որ այն լուծվի հանգիստ, ժողովրդավարական միջոցով,- հայտարարել է Վրաստանի նախկին նախագահ Միխեիլ Սաակաշվիլին «Ուկրաինա» հեռուստաալիքի «Իրադարձություններ» տեղեկատվական ծրագրի եթերում։
«Համոթ և խայտառակություն ինձ՝ Վրաստանի ներկայիս կառավարությունը, նախ, դեմ էր Մայդանին, երկրորդ՝ նրանք հրաժարվեցին հայտարարություն անել ինքնաթիռի ընկնելուց հետո։ Ասացին, թե «մենք լավ հարաբերություններ ունենք Ռուսաստանի հետ»։ Երրորդ՝ երեկ տուգանեցին այն երկրպագուներին, որոնք պարզել էին հայտնի «Պուտինը…» պաստառը։ Շատ մարդիկ կան, որոնք համարում են, որ Ռուսաստանն ամենակարող է և միևնույն է՝ ամեն ինչ կանի։ Ես կարծում եմ, որ Ուկրաինան պետք է վերջ դնի այդ տրամաբանությանը։ Բայց ի՞նչ գնով։ Դա շատ տխուր է։ Քանի որ այդ երկրում կա այդպիսի ներուժ… Մարդիկ պարզապես լավ կյանք են ուզում, ոչ թե կրակել»,- նշել է Սաակաշվիլին։
Նախկին նախագահն ընդգծել է, որ «Վրաստանի ռուսամետ գիծը պատմության նույնպիսի անոմալիա է, ինչպես այն, որ Յանուկովիչն արեց իր կառավարման ավարտին»։
