Ներկայացնում ենք այն աստղերին, որոնք բարձունքների են հասել միայն այն պատճառով, որ մանկական վիրավորանքները նրանց ստիպել են հաշվի չառնել ամբոխի կարծիքը:
Դերասանուհի Քրիսթինա Հենդրիքսն ասել է, որ երբ ցանկանում էր դասարանում իր պահարանից գիրք վերցնել, ամեն անգամ համադասարանցիներից մեկը թքում էր նրա վրա:
«Ես շատ մեծ քիթ ունեի, շատ գանգուր շագանակագույն մազեր, և ես տառապում էի ավելորդ քաշից: Բոլորը ծիծաղում էին ինձ վրա»,- հիշում է Լեդի Գագան:
Թեյլոր Սվիֆթն ասել է, որ եթե ինքն ամեն օր դպրոցից դժբախտ տեսքով տուն չգար, ապա երգեր գրելու պատճառներ չէր ունենա:
Մայլի Սայրուսը հիշում է, թե ինչպես են դպրոցում իրենից մեծ աղջիկներն իրեն փակել զուգարանում, և ինքն այնտեղ մնացել է 1 ժամ:
«Իմ կենսակերպը տարբերվում էր մյուսներից: Իսկ այժմ ես ցանկանում եմ օգնել նրանց, ում ծաղրում են, քանի որ կան աղջիկներ, ովքեր չեն կարող ուղղակի դպրոցից տուն գալ, մոռանալ բոլոր վիրավորանքները և մտածել կարիերայի մասին»,- ասել է Դեմի Լովատոն:
Ռոբերթ Փաթինսոնին դեռահաս տարիքում հաճախ են ծեծել:
Թոմ Քրուզը ևս զերծ չի մնացել խուլիգանների հարձակումներից, սակայն միշտ պաշտպանվել է:
Երբ Վայնոնա Ռայդերը դպրոցում կարճ կտրել է մազերը, բոլորը նրան ծաղրել և «միասեռական» են անվանել:
Դպրոցում Թայրա Բենքսին իր սիրած տղան ասել է. «Ես չեմ ցանկանում, որ իմ շուրջը գեր մեկը պտտվի` մեծ ճակատով, իսկ բերանում` բրեկետներով»:
Վիկտորյա Բեքհեմն ասել է, որ դպրոցական տարիներին շատ դժբախտ է եղել:
Ջեսիքա Սիմփսոնի որոշ հասակակիցներ ժամանակին նրա տուն են նետել զուգարանի թղթեր կամ դռանը ձվեր քսել:
Սանդրա Բալոքը հիշում է բոլորի անուն-ազգանունները, ովքեր վիրավորել են իրեն:
Դպրոցական տարիներին հալածվելուց «հետ չի մնացել» նաև Քրիսթինա Ագիլիերան:
«Մի աղջիկ հրեց ինձ աստիճաններից, ես կոտրեցի ազդրս, հետո նա բռունցքներով ինձ ծեծեց և քիթս կոտրեց` դպրոցի տնօրենին ասելով, որ ես իրեն հայհոյել եմ: Բացի այդ, ինձ մի լավ էլ վիրավորեցին»,- հիշում է Միշել Տրախտենբերգը:
Մայքլ Ջեքսոնի դուստր Փերիսն ասել է, որ դպրոցում խուլիգանները փորձում են իրեն վիրավորել, սակայն ինքն աշխատում է չնկատել նրանց:
