Բրազիլիայում փոքր աղջիկ ունեցող ամուսինները հանկարծակիորեն պարզել են, որ իրենք իրականում փոքր ժամանակ բաժանված հարազատ քույր ու եղբայր են: Ամուսիններն իմացել են, որ նախկինում մայրերը լքել են իրենց: Երբ նրանք երեխա են ունեցել, որոշել են գտնել իրենց մայրերին: Արդյունքում պարզվել է՝ պետք է նույն կնոջը փնտրեին, հայտնում է Independent-ը:
39-ամյա Ադրիանան և նրա 37-ամյա ամուսինը՝ Լեոնարդոն, ծանոթացել են 10 տարի առաջ: Հիմա նրանց աղջիկը 6 տարեկան է: Նրանք մի քանի տարի փնտրել են իրենց մայրերին: Լեոնարդոն միայն իմացել է, որ իր մոր անունը Մարիա է, որն իրեն լքել է 8 տարեկանում: Նրան ուրիշ կին է որդեգրել: Ադրիանան առանց մոր է մնացել 1 տարեկանում, նրան հայրն է մեծացրել: Նրա մոր անունը ևս Մարիա է, բայց դա Բրազիլիայում բավական տարածված անուն է: Ուստի ամուսինները որոշել են, որ դա ընդամենը համընկնում է:
Ադրիանան մորը գտնելու համար զանգահարել է տեղի Globo Radio ռադիոկայան, որով կորած հարազատներին նվիրված հաղորդում է եղել: Ռադիոկայանի աշխատակիցները գտել են Ադրիանայի մորը, և նրանք խոսել են: Զրույցի վերջում մայրը խոստովանել է, որ ինքը նաև Լեոնարդո անունով տղա է ունեցել, որին ևս ինքը լքել է: Դա լսելով՝ Ադրիանան շոկի մեջ է ընկել:
Ամուսիններն օրիանականորեն գրանցված չեն, այդ ամբողջ ընթացքում նրանք քաղաքացիական ամուսիններ են եղել: Սակայն Ադրիանան վստահ է, որ սիրելիից իրեն միայն մահը կբաժանի:
Զույգը որոշել է, որ տեղի ունեցածն իրենց չի խանգարի միասին մնալ:
