Իրանը պատրաստ է օգնել Իրաքի Մոսուլ քաղաքի քրիստոնյաներին, որոնք ստիպված փախստական են դարձել: Այս մասին Իրաքի խորհրդարանում քրիստոնյա պատգամավորների հետ հանդիպման ժամանակ հայտարարել է Իրաքում Իրանի դեսպան Հասն Դանաիֆարը, հայտնում է IRNA գործակալությունը:
«Իսլամական Պետությունը (Իրանը) պատրաստ է օգնել ճնշումների վտանգի պատճառով իրենց տները լքելու ստիպված քրիստոնյաներին»,- ասել է Դանաիֆարը:
Հազարավոր քրիստոնյա ընտանիքներ ստիպված են եղել լքել Մոսուլն ու տեղավորվել երկրի այլ շրջաններում, երբ «իսլամական պետություն» խմբավորման զինյալները նրանց վերջնագիր են ներկայացրել՝ անհապաղ իսլամ ընդունել, հարկ վճարել, կամ լքել իրենց վերահսկողության տակ գտնվող տարածքները: Նրանց, ովքեր հրաժարվեին կատարել այդ պահանջը, նշում է IRNA-ն, հանցագործները սպառնացել են սպանել:
