Իրանը հերքել է արաբական մամուլի տեղեկությունը իր լավագույն զորամասերը Իրաքյան Քուրդիստան ուղարկելու մասին՝ այսօր հաղորդել է իրանական Press-TV հեռուստակայանը։
Press-TV-ի հաղորդավարները, հղում անելով ԻԻՀ ԱԳՆ աղբյուրներին, նշել են, թե արաբական «Աշ-Աարկ Ալ-Աուսատ» թերթի հայտարարությունը՝ «հատուկ նշանակության ուժերի 200 իրանական մարտիկներին Ջալայել Թալիբանի գլխավորած Քուրդիստանի հայրենասիրական ուժերի հսկողության տակ գտնվող իրաքյան Քիրքուկ գավառ ուղարկելու մասին, չեն համապատասխանում իրականությանը»։
Իրանը, նշում է Press-TV հեռուստակայանը, կրկին հայտարարում է, որ Իսլամական Հանրապետությունը «չունի ծրագրեր իր զորքերն ուղարկել՝ մարտնչելու Իրաքում ահաբեկիչների կազմավորումների դեմ, բայց եթե պահանջվի, ապա մարդասիրական օգնություն ցույց կտա Բաղդադին ու նրան կտա անհրաժեշտ ռազմական սարքավորումներ»։
