«Մենք կասկածամտորեն ենք վերաբերում Լևոն Հայրապետյանի կալանքին և համոզված ենք, որ ժամանակի ընթացքում կպարզվի, որ մեր հայրենակիցը, մեր մեծ բարերարը որևէ կապ չունի հանցագործության հետ»,- aparaj.am-ի փոխանցմամբ այսօր լրագրողների հետ ճեպազրույցում հայտարարել է ԼՂՀ վարչապետ Արա Հարությունյանը` արձագանքելով արցախցի բարերար Լևոն Հայրապետյանին կալանավորելու վերաբերյալ փաստին:
Արցախի վարչապետի համոզմամբ` Լևոն Հայրապետյանը ոչ միայն մեծ բարերար է Արցախի և Հայաստանի համար, այլև նրա շնորհիվ բազմաթիվ մեր հայրենակիցներ դարձել են բարերարներ մեր հայրենիքում:
«Այսօր բոլորը միավորվել են Արցախում, Հայաստանում, Սփյուռքում, համապատասխան մարդիկ զբաղվում են այդ գործի ուղղությամբ, մեր համապատասխան մարմիններն էլ համոզված են, որ աշխատանքները, որոնք իրականացվում են, լինելու են արդարադատության պահանջներից ելնելով: Հուսանք, որ առաջիկայում լավ տեղեկություններ կունենաք: Այսօր մեզ, իհարկե, ամենաշատը մտահոգում է նրա առողջական վիճակը: Բարեբախտաբար, այս ուղղությամբ քայլեր է ձեռնարկվել, բժիշկների կողմից վերահսկվում է նրա առողջությունը: Անհամբեր սպասենք նրա ազատման լուրին»,- ավելացրել է ԼՂՀ վարչապետ Արա Հարությունյանը:
Ամբողջությամբ՝ սկզբնաղբյուր կայքում:
