«Ժողովուրդ»-ի աղբյուրների փոխանցմամբ` Սերժ Սարգսյանի թիկնազորի պետ Վաչիկ Ղազարյանը օրեր առաջ հանդիպում է ունեցել «Հին էրիվան» հոլդինգի նախագահ Մանվել Տեր-Առաքելյանի հետ և քննարկել «Հին էրիվան» ռեստորանային համալիրի ճակատագիրը: Համալիրի աշխատակիցների տպավորությամբ` հենց Վ. Ղազարյանն է ցանկանում Տեր-Առաքելյանից վերցնել ռեստորանը, որպեսզի «բանկերին բաժին չհասնի»:
Սակայն Տեր-Առաքելյանը «Ժողովուրդ»-ի հետ զրույցում հերքեց լուրը: «Ես Վաչիկի հետ ընկեր եմ և իր հետ հանդիպում եմ հաճախ, և նման հարց ընդհանրապես չի քննարկվել»,- ասաց նա`հավելելով, որ «Հին էրիվան»-ը վաճառքի դրված է եղել է մի քանի ամիս առաջ, և իրենք հանել են այդ պաստառը, քանի որ որոշել են չվաճառել: «Ամեն ինչ կարգին է, և մենք խնդիր չունենք»,- վստահեցրեց հոլդինգի նախագահը:
