Լեհաստանի ոստիկանությունը կալանավորել է երկրի կառավարության և պետության ղեկավարի դեմ հարձակում ծրագրած տղամարդուն: Այս մասին գրում է LifeNews-ը:
Լեհաստանի իրավապահ մարմինները հայտարարել են, որ ահաբեկիչը բերման է ենթարկել: Հաղորդվում է, որ նա հարձակում էր նախապատրաստում երկրի իշխանությունների, այդ թվում՝ նախագահ Բրոնիսլավ Կոմարովսկու դեմ:
Քննության տվյալներով՝ տղամարդը, որի ինքնությունը չի հաղորդվում, ծրագրել էր դիվերսիա իրականացնել խորհրդարանի հերթական նիստի ժամանակ, որին պետք է ներկա գտնվեին նաև պետության ղեկավարը, վարչապետն ու այլ ակներև քաղաքական գործիչներ:
Դատախազության ներկայացուցիչը բացատրել է, որ հետաքննությունը սկսվել է նոյեմբերի 5-ին և իրականացվել ներքին անվտանգության գործակալության աջակցությամբ:
Ոչ պաշտոնական տվյալներով՝ չկայացած ահաբեկիչը դժգոհ է եղել երկրի կառավարման համակարգից: Նաև հաղորդվում է, որ նրա ծրագիրը գտնվել է եզրափակիչ փուլում:
