Չինաստանի 4 պարեկային նավեր այսօր ցուցադրաբար կրկին մտել են վիճելի Սենկակու (չինարեն անվանումը՝ Դյաոյույդաո) կղզիների ջրատարածք, որը Տոկինոն համարում է իրենը: Ճապոնացի պարեկները ռադիոկապի միջոցով նրանցից պահանջել են լքել այդ շրջանը: Չինաստանի նավերը, ինչպես հաղորդվում է, արհամարհում են նման կոչերը: Դրանցից մեկի վրա լուսային ցուցանակ է վառվել՝ Չինաստանի տարածքային ջրերը լքելու՝ ճապոնացի պարեկներին ուղղված պահանջով: Այս մասին հայտնում է ITAR-TASS-ը:
Ավելի վաղ Չինաստանի պարեկային նավերը ցուցադրաբար մտել էին այդ ջրատարածք հոկտեմբերի 30-ին: Այսօր, կապված նման գործողությունների հետ, Ճապոնիայում Չինաստանի դեսպանատանը հերթական վճռական բողոքն է ուղղվել, որը մերժվել է:
Հիշեցենք, որ կողմերի միջև հակամարտությունը սրվել է սեպտեմբերի 11-ից հետո, երբ Ճապոնիայի կառավարությունը իր քաղաքացի հանդիսացող մասնավոր սեփականատերերից գնեց Սենկակուի մի քանի կղզիներ:
