Քիմ Քարդաշյանի կարիերան կառուցվել է նրա արտաքինի վրա, սակայն չի կարելի նրան անվանել անթերի կառուցվածք ունեցող այն դեպքում, երբ նրա հասակը 160 սմ է: Քիմը խոստովանում է, որ իր լավ տեսքը պայմանավորված է իր մարմնի և դեմքի վրա մշտական աշխատանքով: Քարդաշյանի մկանները միշտ տոնուսի մեջ են, փորը հարթ է, հետույքը` ձիգ: Եվ, իհարկե, ոչ մի ցելյուլիտ:
Heat magazine ամսագրի համաձայն՝ մեկ ամսում Քիմ Քարդաշյանը մոտ 5 000 ֆունտ է ծախսում՝ գեղեցկության սրահներում անցկացնելով 180 ժամ, որը հավասար է 1 շաբաթվա, իսկ ավելի գլոբալ հաշվարկներով` քառորդ կյանքի: 24 կարատանոց ոսկուց դիմակները, տեկիլայով սկրաբները, աճեցված թարթիչների ամենօրյա խնամքը և ողջ մարմնի լազերային մշակումը հանդիսանում են 31-ամյա աստղի կենսակերպի անբաժանելի մասը:
Ինչպես է դեմքը խնամում Քիմ Քարդաշյանը
Երկու շաբաթը մեկ անգամ Քիմը 800 ֆունտ է ծախսում՝ այցելելով Բևերլի Հիլզի Bailey գեղեցկության սրահը: Շաբաթը երկու անգամ նա երիտասարդացնող փիլինգ է կատարում, իսկ ամիսը մեկ անգամ թոկով թերապիա է արվում: Դիմակները, որոնք 24 կարատանոց ոսկի են պարունակում, թարմացնում և ձգում են մարմինը: Ոսկին թափանցում է մարմնի խորը շերտերի մեջ PGA գամմայի օգնությամբ, որի արդյուքնում տեղի է ունենում մաշկի ռեգեներացիա, դանդաղում է բջիջների ծերացումը, և փոքր կնճիռները կրճատվում են: Սրանից հետո մաշկը առավելագույն խոնավացում է ստանում և դառնում է թավշե մաշկ: Ոսկու թերապիայի ևս մեկ առավելությունն այն է, որ դեմքը պայծառացնում է: Ոսկին նվազեցնում է նաև մաշկի բորբոքումները, ինչպես նաև դանդաղեցնելով մելանինի արտադրությունը` հավասարեցնում է դեմքի գույնը:
Կոսմետիկ մյուս գործողությունը, առանց որի չի կարող ապրել Քիմ Քարդաշյանը, Fraxel լազերային թերապիան է, որը մաշկը երիտասարդացնում է, վերացնում է պիգմենտացիան, հավասարեցնում է հյուսվածքները և մարմնի գույնը, մաշկը ձգում է և թարմացնում: Այս գործողությունը կարելի է կիրառել ոչ միյան դեմքին, այլ նաև մարմնի ցանկացած մասում: Քարդաշյանի համար այս գործողությունն արժենում է 2000 ֆունտ:
