Իրանը մինչև 2014-ը հետաձգել է հետազոտական ռեակտորի թողարկումը Արաք քաղաքում: Այս մասին նոյեմբերի 17-ին հաղորդել է Reuters-ը՝ հղում անելով ՄԱԳԱՏԷ-ին:
Ի սկզբանե, ռեակտորի գործարկումը նախատեսվում էր 2013-ի կեսերին: Ժամկետի տեղափոխման պատճառների մասին չի նշվում:
«Իրանը հայտարարել է, որ IR-40 ռեակտորի գործարկումը սպասվում է 2014-ի առաջին քառորդում»,- ասվում է ՄԱԳԱՏԷ-ի զեկույցում:
Արևմտյան փորձագետները կարծում են, որ Արաքում ռեակտորը Անկարայի համար կարող է պահեստային հարթակ դառնալ պլուտոնի արտադրության համար, որը անհրաժեշտ է միջուկային զենքի համար:
ՄԱԳԱՏԷ-ի զեկույցում նաև տեղեկություն է պարունակվում, որ Թեհրանը մտադիր է կրկնապատկել մինչև 20% հարստացված ուրանի արտադրության ծավալները:
Իրանը պնդում է իր միջուկային ծրագրերի խաղաղ նպատակների մասին, այն դեպքում, երբ մի շարք արևմտյան պետություններ, ինչպեսև Իսրայելը, համարում են, որ իրանական քաղաքացիական միջուկային ծրագիրը զանգվածային ոչնչացման զենք ստեղծելու նպատակ ունի:
