«Հարրի Փոթեր»-ի աստղը՝ Դենիել Ռեդկլիֆը, պատրաստվում է ամուսնանալ: Այս մասին հաղորդում են ամերիկյան և բրիտանական պարբերականները:
Դերասանուհի Էրին Դարքի հետ Դենիելը ծանոթացել է «Սպանիր քո սիրելիներին» դրամայի նկարահանման հրապարակում: Հենց այդ ժամանակ էլ զույգին միասին «բռնացրել են» Grey Goose բարում՝ ոչ աշխատանքային պայմաններում:
Ամուսնության մասին լուրը իսկական սենսացիա էր, որովհետև նրանք մե՛կ միմյանցից բաժանվում էին, մե՛կ միմյանց տալիս երկրորդ շանս: Նշվում է նաև, որ իբր կայացել է նշանադրությունը և որոշվել հարսանիքի վայրը՝ Միչիգան լճի ափին, համանուն նահանգում: Փեսացուի կողմից վկան պետք է դառնա «Հարրի Փոթեր» ֆիլմից նրա գործընկեր Ռուպերտ Գրինթը:
Հիշեցնենք, որ ոչ այնքան վաղուց 24-ամյա Ռեդկլիֆը խոստովանել է, որ միայն ամուսնության մասին միտքը սարսափեցնում է իրեն:
