Իսպանիայի թագավոր Խուան Կառլոս I-ը հունիսի 2-ին գահից իր հրաժարվելու կապակցությամբ իսպանական հեռուստատեսության եթերում հանդես է եկել կարճ հայտարարությամբ, բերում է ITAR-TASS-ը:
«Երբ հետ եմ նայում, խորը հպարտության զգացում եմ ապրում Իսպանիայի ձեռք բերած նվաճումների համար: Մեր երկրին վրա հասած տնտեսական ճգնաժամն ավելացրեց սոցիալական անհավասարությունն ու մեզ ստիպեց վերլուծել գործած սխալները: Իսպանիայի վերածնունդը պետք է ղեկավարի նոր սերունդը, որն էներգիա և բոլոր դժվարությունները հաղթահարելու կարողություն ունի»,- ասել է թագավորը:
«Ես ամբողջ կյանքում ծառայել եմ Իսպանիայի շահերին, և հիմա լավագույնը, ինչ կարող եմ անել նրա համար՝ տեղս իմ որդի Ֆելիպեին զիջելն է, որն ինչպես հարկն է՝ պատրաստված է հայրենիքի առջև վեհ պարտքի կատարման համար»,- նշել է միապետը:
Վերջում արքան Իսպանիայի նվիրյալներին շնորհակալություն է հայտնել աջակցության համար, որը նրանք միշտ ցուցաբերել են իրեն, և խնդրել է նույնպիսի աջակցություն ցուցաբերել ապագա թագավորին:
Հիշեցնենք՝ այսօր ավելի վաղ հայտնի դարձավ, որ Իսպանիայի թագավոր Խուան Կառլոս I-ը որոշում է ընդունել իր որդու՝ Աստուրիայի արքայազն Ֆելիպեի օգտին հրաժարվել գահից:
