Քաղաքաշինության նախարար Նարեկ Սարգսյանը մանուկ հասակից մինչև այժմ վիրավորած է Անաստաս Միկոյանից: Բանն այն է, որ երբ նա 6-րդ դասարանում է եղել, նրանց դասարանին տարել են օդանավակայան՝ Անաստաս Միկոյանին դիմավորելու համար: Միկոյանը, սակայն, օդանավից իջնելիս չի մոտեցել ու չի բարևել իրեն ու իր համադասարանցիներին: Այնուամենայնիվ, նա չի ցանկանում պատմական գնահատական տալ Ա.Միկոյանի մասին: Ասում է՝ «պետք է ժամանակը գնահատականը տա»:
Ն.Սարգսյանը նաև կարծում է, որ այժմ Երևանի թիվ մեկ խնդիրը Միկոյանի արձանի տեղադրումը չէ: «Ես մի քիչ կսպասեի, որպեսզի հասկանայինք»,- ասում է նախարարը:
«Այսօր մենք այնքան լուրջ խնդիրներ ունենք մեր երկրում՝ վստահության, մարդկանց հետ հարաբերվելու խնդիր ունենք, դրական մեսիջներ տալու խնդիր ունենք: Եվ այս տեսակի խնդիրները, որոնք շատ կարևոր հարց չեն լուծում…»,- շարունակում է Ն.Սարգսյանը:
Քաղաքաշինության նախարարը նաև ասաց, թե մի քանի ամիս առաջ Երևանի գլխավոր ճարտարապետի հետ Միկոյանի արձանի շուրջ քննարկման ժամանակ նրան ասել է, քանի որ այն «գերեզմանից կոպիա արված հուշարձանն է, ճարտարապետական տեսանկյունից ավելի ճիշտ կլիներ ոչ թե բուլվարում, այլ շենքի ճակատին տեղադրել»:
