ԱՄՆ տիեզերական ոլորտի համար օգտակար է մասնավոր ընկերությունների հետ համագործակցելը, սակայն այն չի կարողանա փոխարինել Ռուսաստանի հետ համագործակցությանը: Մոսկվայի՝ տիեզերական ոլորտում համագործակցելուց հրաժարվելը կարող է լրջորեն ազդել Վաշինգտոնի «տիեզերական» դիրքերի վրա: Այս մասին գրում է The Washington Post-ը:
«ԱՄՆ-ում տիեզերական ոլորտում ռազմական պաշտոնյաները և փորձագետներն ասում են, որ ժամանակն է, որ ԱՄՆ-ը ինքնուրույն տեխնիկական բազա զարգացնի` հրթիռների շարժիչների սեփական արտադրության համար, որոնք կհակադրվեն ռուսականին»,- գրում է պարբերականը:
ՆԱՍԱ-ն ակտիվորեն համագործակցում է մասնավոր ընկերությունների հետ, որի շրջանակներում մշակվում է հրթիռների և նավերի նոր սերունդ`աստղանավորդներին ուղեծիր տեղափոխելու և հետ բերելու համար: Ընկերությունը, սակայն, թաքցնում է, որ ոչ միայն մրցակցում է ռուսական «Սոյուզ-TMA»-ի հետ, այլև պատրաստվում է հետագայում դուրս մղել դրան: Առաջին Dragon V2-ի նոր թողարկումը նախատեսված է 2017-ին, և դա կարող է վերջ դնել ԱՄՆ-ի ու Ռուսաստանի համագործակցությանը` համենայն դեպս, տիեզերական համագործակցության ոլորտներից մեկում:
Սակայն նշվում է, որ գիտական թողարկումներին անհրաժեշտ են ազգային աջակցություններ:
Հայտնի չէ նաև, թե ինչ տեղի կունենա երկու երկրների` սույն ոլորտի փոխհարաբերությունների հարցում, երբ 2020-ին Ռուսաստանն ավարտի իր մասնակցությունը ՄՏԿ-ի ծրագրին: Նշվում է նաև, որ իրադարձությունների ֆոնին ռուսական «տիեզերական» ծրագրերն ընդլայնվում են:
«Այս դեպքում նոր սերնդի տիեզերակայանը փակ կլինի ԱՄՆ-ի համար: ԱՄՆ-ի աստղանավորդները միայն կկարողանան հետևել եվրոպացիների, չինացիների և հնդիկների աշխատանքին»,- եզրակացնում է պարբերականը:
