Եվրամիության միասնականությունը ու նվիրվածությունը ազատության հիմնարար սկզբունքներին և գործընկերային հարաբերություններին կդառնան գրավականը ընդհանուր հաջողության և այն բանի, որ այլևս թույլ չտրվի կառուցել նոր պատնեշներ՝ ինչպես Բեռլինյան պատը: Այս մասին Bild պարբերականին տված հարցազրույցում ասել է Ուկրաինայի վարչապետ Արսենի Յացենյուկը:
Վարչապետի խոսքերով, սակայն, Ռուսաստանի գործողությունների պատճառով եվրոպական անվտանգության համակարգը, ինչպես նաև միջազգային իրավունքի սկզբունքները խախտված են:
Այժմ բարդ է ինչ-որ բան սպասել Ռուսաստանի նախագահ Վլադիմիր Պուտինից՝ ասել է նա:
«Կարծում եմ՝ նրա նպատակն այն է, ինչը նա հայտարարել է 2007-ին Մյունխենում՝ ԽՍՀՄ-ի նկատմամբ կարոտախտի և Եվրասիական միության ստեղծման ճանապարհով Խորհրդային Միության վերականգնման գաղափարների մասին: Սակայն մեր նպատակը սկզբունքային այլ ուղղություն ունի: Եվրոպայում տեղ չկա նոր Բեռլինյան պատի համար»,- ընդգծել է Յացենյուկը:
