LG ընկերությունն այսօր կներկայացնի G3 սմարթֆոնը: Այս մասին ասվում է ընկերության կայքում:
Պաշտոնական հեռարձակումը Youtube-ով կսկսվի Երևանի ժամանակով ժամը 21:00-ին: Համաձայն ընկերության տարածած պրոմոհոլովակի՝ նոր սարքի էկրանը չափերով կգերազանցի մրցակիցներին՝ 5.5 դյույմ անկյունագծով: Համեմատության համար նշենք, որ Samsung Galaxy S5-ն ու Sony Xperia Z2-ն ունեն համապատասխանաբար 5.1 և 5.2 դյույմ անկյունագծային էկրաններ: Սարքը կունենա Quick Circle պատյան:
Ընկերությունը մրցակիցներից ուշացավ մեծ չափերով սարքի ներկայացման հարցում, սակայն G3-ում սպասվում են մի քանի գործառույթներ, որոնք դեռևս չեն կիրառվել ժամանակակից սարքերում:
Այն կստանա Full HD-ից բարձր՝ 2560 ×1440 պիքսել խտությամբ մոնիտոր: Եվս մեկ նորույթ կլինի ավտոֆոկուսի լազերային լուսավորությունը: Հիմնական տեսախցիկի խտությունը կմնա նույնը՝ 13 մեգապիքսել: Առջևի տեախցիկը կլինի 2.1 մեգապիքսելանոց: Այն կունենա սելֆիի նկարահանման ավտոմատ համակարգ, որը կճանաչի հատուկ ժեստը:
Սարքն ունի Qualcomm Snapdragon 801 պրոցեսոր, 3 գբ օպերատիվ հիշողություն, 32 գբ ներքին հիշողություն, Bluetooth, Wi-Fi և NFC:
