Այսօր ՀՀ նախագահի 2013 թվականի մրցանակների հանձնման արարողությանը մի շարք բնագավառներում ներդրած նշանակալի ավանդի համար շնորհվել են մրցանակներ, դրամական պարգևներ, վկայականներ և այլն: Գրականության, բժշկագիտության, արվեստի, հումանիտար գիտությունենրի զարգացման բնագավաներում մրցանականեր չեն տրվել:
ՀՀ մշակույթի նախարար Հասմիկ Պողոսյանից «Առաջին լրատվական»-ը հետաքրքրվեց, թե ինչպե՞ս է գնահատում այն հանգամանքը, որ գրականության, արվեստի, հումանիտար գիտությունների զարգացման բնագավառներում չկային մրցանակներ:
Նախարարն ընդհանուր առմամբ հանգիստ է գնահատում, բայց ասաց, որ իրեն հետաքրքիր է, թե ինչ է ներկայացված եղել, քանի որ այդպիսի դեպքեր լինում են բոլոր բնագավառներում: «Ինձ համար ամենակարևորն այն է, որ երիտասարդները ստացան մրցանակներ, որովհետև անցյալ տարի երիտասարդական մրցանակը վոկալ արվեստի ոլորտում ոչ մի հատ չկար, նույնիսկ նախորդ տարի չկար: Դա ինձ սկսեց անհանգստացնել: Այս տարի արդեն երեք երիտասարդներ կային, և, ըստ էության, մշակույթի բոլոր ոլորտներում երիտասարդները մրցանակ ստացան, ինչն ինձ համար ամենակարևորն էր»,- հավելեց նախարարը:
