Այսօր՝ նոյեմբերի 8-ին, ավտովթար է տեղի ունեցել Երևանում: Ժամը 17:30-ի սահմաններում, «Ֆոլցսվագեն Գոլֆ» մակնիշի 03 ՏՏ 802 համարանիշի ավտոմեքենայի վարորդը Մյասնիկյան պողոտայում, գազանանոցի դիմաց դուրս է եկել ճանապարհի երթևեկելի գոտուց և բախվել էլեկտրասյանը:
shamshyan.com-ը հայտնում է, որ դեպքի վայր են ժամանել ՀՀ արտակարգ իրավիճակների նախարարության փրկարար ծառայության աշխատակիցները և Արտակարգ իրավիճակների Ավան վարչական շրջանի թիվ 61 հրշեջ փրկարարական ջոկատը: Փրկարարները ավտոմեքենայից դուրս են բերել երկու հոգու, որոնցից մեկին տեղափոխել են Սուրբ Գրիգոր Լուսավորիիչ բժշկական կենտրոն, իսկ մյուսը մահացել է:
Ժամանել են նաև Ճանապարհային ոստիկանության 1-ին սպայական գումարտակի 2-րդ և 4-րդ դասակների աշխատակիցները:
shamshyan.com-ը հայտնում է, որ նշված ավտոմեքենան հաշվառված է Էրեբունի վարչական շրջանի բնակիչ Ռուբեն Դավթյանի անվամբ:
Դեպքի վայր են ժամանում Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչները՝ Խաչիկ Սամվելյանի գլխավորությամբ: Այս պահին ոստիկանությունը փորձում է պարզել վարորդի, մահացած անձի և վիրավորի ինքնությունը:
Մինչ այս պահը, դիակ տեղափոխող խումբը չի ժամանել, փոխարենը տեղում է 1-03 ծառայության 53 բրիգադը:
