Նկարիչ Մարկ Միլլերն ԱՄՆ նախագահ Բարաք Օբամային է ուղարկել Դեթրոյթ քաղաքի մասին իր կոմիքսի պատճենը՝ երկրի ղեկավարի ուշադրությունը հրավիրելու լքված քաղաքների վրա: Այս մասին հայտնում է BBC-ն:
Անցած տարի ԱՄՆ նախկին արդյունաբերական հսկա Դեթրոյթը սնանկ ճանաչվեց 18 մլրդ դոլար գնահատվող պարտքով: Այժմ քաղաքում դատարկ է 70 հազար տնային տնտեսություն:
MPH կոմիքսում մի քանի դեթրոյթցի դեռահասներ արագ տեղաշարժման հնարավորություն են ձեռք բերում: Միլլերի խոսքով՝ իր նոր աշխատանքում սուպերհերոսներն օգտագործում են իրենց հնարավորությունները՝ վրեժ լուծելու Դեթրոյթը կործանած բանկիրներից, կորպորացաներից ու քաղաքական գործիչներին:
Միլլերը, ում ցնցել էր Դեթրոյթ կատարած այցը, կարծում է, որ քաղաքին պետք են ոչ թե ավանդական սուպերհերոսներ՝ միլիոնատերեր, այլ այնպիսիք, ովքեր հաց կդնեն աղքատների սեղանին:
Բրիտանացի Մարկ Միլլերը հայտնի է դարձել Marvel Comics թիմում իր աշխատանքով: 2004-ին ստեղծել է MillarWorld ընկերությունը:
