Արաբական Միացյալ Էմիրությունների իշխանությունները քննադատել են երկրում մարդու իրավունքների մասին զեկույցը: Ինչպես հաղորդում է France 24 հեռուստաալիքը, փաստաթուղթը պատրաստվել է եվրոպացի մասնագետների կողմից և պարունակում է բացասական գնահատական:
ԱՄԷ-ի արտգործնախարար Անվար Գարգաշի հայտարարության մեջ նշվում է, որ զեկույցում առաջ քաշված մեղադրանքները իրական հիմնավորում չունեն:
Դրա հետ մեկտեղ փաստաթղթում նշվում է, որ ԱՄԷ-ն ունի ամենալիբերալ իրավունքների համակարգը Պարսից ծոցի երկրների շարքում:
ԱՄԷ-ում մարդու իրավունքների մասին զեկույցը հրապարակվել էր Եվրախորհրդարանի անունից հոկտեմբերի 26-ին: Զեկույցում ԱՄԷ-ի իշխանությունները մեղադրվում են խոսքի ազատության սահմանափակման և քաղաքացիներին անօրինականորեն կալանքի տակ պահելու համար: Նշվում է նաև, որ ներգաղթյալներն այստեղ գործատուների կողմից ենթարկվում են բռնությունների:
