Մասաչուսեթս նահանգի արժեթղթերի կանոնակարգմամբ զբաղվող Citigroup բանկը տուգանվել է 2 մլն դոլարով` Facebook-ի ակցիաների առևտրի սկսվելուց առաջ տեղեկության արտահոսքի պատճառով: Այս մասին հաղորդում է Bloomberg-ը` հղում անելով նահանգի պետքարտուղար Մարկ Մեհանիին:
Citigroup-ի ղեկավարությունը նաև խոստացել է վերանայել ընկերության ներքին օրենքները, որոնք կարգավորում են այլ ընկերությունների ներկայացուցիչների հետ բանկի աշխատակիցների շփումը:
Գործակալության աղբյուրի տվյալներով` բանկի ղեկավարությունը աշխատանքից հեռացրել է ընկերության գլխավոր տեխնոլոգիական վերլուծաբանին: Սեպտեմբերին բանկն ազատել էր գաղտնի տեղեկության արտահոսքի մեջ մեղադրվող կրտսեր վերլուծաբանին:
Citigroup բանկը հանդես էր գալիս որպես Facebook-ի արժեթղթերի առևտրային միջնորդ: Մարկ Մեհանիի խոսքով` բանկի կրտսեր վերլուծաբանը TechCrunch.com կայքի աշխատակիցներին էր ուղարկել Facebook-ի բաժնետոմսերի գալիք առևտրի` Citigroup բանկի փորձագիտական գնահատականը:
NASDAQ բորսայում բաժնետոմսերի գների սխալ մշակումը, որը տեղի էր ունեցել 2012-ի մայիսի 18-ին, հանգեցրել էր նրան, որ Facebook-ի բաժնետոմսերի առևտուրը 30 րոպե ուշ էր սկսվել: Սա հանգեցրել էր գնային անճշտության:
Որպես հետևանք` Facebook-ի ակցիաների 30 միլիոնի հայտերը սխալներով էին մշակվել: Տուժել էին ներդրողներն ու միջնորդ կազմակերպությունները, որոնց կորուստը գնահատվել է մոտ 100 մլն դոլար:
