Վրաստանի վարչապետի թեկնածու Բիձինա Իվանիշվիլիին երկրի նախագահ Միխեիլ Սաակաշվիլին և նրա կողմնակիցներն «անկայուն հոգեվիճակով մարդ» են անվանել:
«Դուք չեք հարգում մեր բարեփոխումները: Չեք հարգում Ձեր ծրագրերը, Ձեր խոստումները, և ինձ հետաքրքիր է, թե օրվա մեջ քանի անգամ ենք Ձեր դիրքորոշումը փոխում: Սկզբում ասել էիք, որ առաջին այցով Ամերիկա եք մեկնելու, հետո պարզվեց, որ Եվրոպա եք մեկնում: Ասում էիք, որ կնվազեցնեք հարկերը, հիմա ասում եք, չգիտեմ՝ երբ: Ինչպես կարող է ժողովուրդը վստահել այսպիսի անկայուն հոգեվիճակ ունեցող մի մարդու»,- հայտարարել է խորհրդարանական փոքրամասնության անդամներից մեկը՝ Նուգզար Ցիկլաուրին, ով իր կողմնակիցների բուռն ծափահարություններին է արժանացել։
Ինչպես տեղեկացնում է Грузия Online-ը, այս հարձակմանն Իվանիշվիլին պատասխանել է, որ այսպիսի դեմագոգիա այլևս թույլ չի տա:
Նշենք նաև, որ ավելի վաղ Դմիտրի Մեդվեդևը, զբաղեցնելով ՌԴ-ի նախագահի պաշտոնը, հայտարարել էր, որ «Սաակաշվիլին անկայուն հեգեվիճակ ունեցող մարդ է, և որ Վրաստանի նախագահը թմրանյութեր է օգտագործում»:
