ԱՄՆ Պետդեպարտամենտը պարգևատրում է խոստացել «Ալ-Կաիդա»–ի երկու կողմնակիցների գտնվելու վայրի վերաբերյալ տեղեկությունների դիմաց։ Նրանք ենթադրաբար զբաղվում են Իրանի տարածքում ահաբեկչական կազմակերպության ֆինանսավորմամբ:
Մուհսին Ալ-Ֆադհլիի մասին տեղեկությունների համար առաջարկվում է 7 մլն դոլար պարգևատրում, իսկ նրա օգնական Ադելե Ալ-Հարբիի համար` մինչև 5 մլն դոլար:
Նշվում է, որ նրանք, հնարավոր է, գտնվում են Իրանում և զբաղվում են Պակիստանից Եվրոպա, ինչպես նաև՝ Հյուսիսային Աֆրիկայից Աֆղանստան և Իրաք գրոհայինների տեղափոխմամբ:
ԱՄՆ ֆինանսների նախարարությունն իր հերթին պատժամիջոցներ է սահմանել Ալ-Հարբիի դեմ. Ամերիկայի տարածքում նրա բոլոր հաշվեհամարները սառեցված են: