Իրանական Fars News լրատվական գործակալության փոխանցմամբ՝ Իրանի գերագույն ղեկավար ու հոգևոր առաջնորդ, այաթոլլահ Ալի Խամենեին երկրի հյուսիսարևելյան հատվածում ընկած Շիրվան քաղաքում կտրուկ դատապարտել է Իրանի հանդեպ ԵՄ-ի կողմից սահմանված պատժամիջոցների ընդլայնումը:
Խամենեին դրանք անվանել է անմարդկային և գովաբանել է իր ժողովրդին՝ ցուցաբերած համբերության համար, որով և հնարավորություն է ստեղծվել այդպիսի պայմաններում պահպանել կարգուկանոն ու կայունություն:
Նա Արևմուտքին մեղադրել է նպատակամղված կերպով տարածաշրջանը մասնատելու ձգտում ունենալու և դրանում քաոսային իրավիճակ առաջացնելու մեջ, ինչին, սակայն, իրանցիները դիմակայում են հաջողությամբ:
Խամենեին հիշեցրել է, որ ներկայիս պատժամիջոցներն ու բեռնարգելքը որևէ նոր բան չեն պարունակում Իրանի համար, ով միջազգային բոյկոտի է ենթարկվել նաև իր միջուկային ծրագիրը զարգացնելու գործողություններց առաջ:
