ՀՀ ԿԱ ազգային անվտանգության ծառայությանը 2013 թ. բյուջեի նախագծով նախատեսվող հատկացումները 2012-ի համեմատ կավելանան 23%-ով՝ կազմելով 14 մլրդ 352.2 մլն դրամ՝ նախորդ տարվա 11 մլրդ 601. 9 մլն դրամի փոխարեն:
Ըստ 2013-ի բյուջեի նախագծի՝ ազգային անվտանգության ապահովոման համար հաջորդ տարի ծախսվելու է 14 մլրդ 52.7 մլն դրամ, աշխատանքի վարձատրությունը՝ 10 մլրդ 391.8 մլն դրամ: Ընդ որում՝ ԱԱԾ աշխատակիցների թիվը չի հրապարակվում, սակայն նախորդ տարվա բյուջեով աշխատավարձերի համար ծախսվել է 7 մլրդ 725.9 մլն դրամ, այսինքն 2013-ին ԱԱԾ աշխատակիցները կվարձատրվեն 34.5%-ով ավելի շատ:
Ծառայությունների և ապրանքների ձեռքբերման ծախսերը կկազմեն 2 մլրդ 614.5 մլն դրամ, որից 400 հզ. դրամը գործուղումների և շրջագայությունների ծախսերն են: Ներկայացուցչական ծախսերը կկզմեն 22.5 մլն դրամ, այլ մասնագիտական ծառայությունների ձեռքբերումը՝ 10 մլն, ապրանքների ձեռքբերման ծախսերը՝ 1 մլրդ 277.6 մլն դրամ, սոցիալական օգնության դրամական արտահայտությամբ նպաստները՝ 33.4 մլն, մեքենաներ և սարքավորումները՝ 342.4 մլն, դեղորայքի տրամադրում ամբուլատոր – պոլիկլինիկական, հիվանդանոցային բուժօգնություն ստացողներին և հատուկ խմբերում ընդգրկված ֆիզիկական անձանց՝ 26.8 մլն դրամ:
59 մլն դրամ նախատեսվում է ուղղել տրանսպորտային միջոցների` 10 մարդատար ավտոմեքենաների ձեռքբերման համար:
