Ռոտերդամի գերղարվեստի Kusthal թանգարանից այսօր մի քանի կտավ են գողացել: Այս մասին հայտնում է Agence France-Presse-ը: Ենթադրաբար խոսքն արվեստի արժեքավոր գործերի մասին է, սակայն տեղեկություններ այն մասին, թե կոնկրետ ինչ նկարներ են անհետացել, չի հաղորդվում:
Ռոտերդամի ոստիկանության ներկայացուցչի խոսքով՝ Պատրիսիա Վեսելսի խոսքով՝ գողերը թանգարան են մտել գիշերը: Ներկայում կողոպուտի փաստով հետաքննություն է անցկացվում՝ պարզելու, թե ինչպե՞ս են գողերը հայտնվել թանգարանում:
Վեսելսը նշել է, որ դեռևս ոստիկանությունը չի ցանկանում տվյալներ հայտնել այն մասին, թե ինչպիսի նկարներ են գողացվել և որքան արժեն դրանք: Dutch News պորտալի տեղեկություններով՝ թանգարանի աշխատակիցներին նույնպես չի թույլատրվում հայտնել հանցագործության մանրամասները, սակայն Twitter-ի գրառումներից մեկում ասվում էր, որ մի քանի նկարներ պատռվել են պատից:
Ներկայում թանգարանում անցկացվում է «Ավանգարդ» ցուցահանդեսը, որտեղ ներկայացված են մասնավոր Triton Foundation հավաքածուի աշխատանքները: Ռոտերդամի թանգարանի 20-ամյակի առիթով ցուցադրվել են նաև Պիկասոյի, Վան Գոգի, Ժորժ Բրակի, Լյուսեն Ֆրեյդի և XIX-XX վերջերի այլ ականավոր վարպետների գործեր: Ցուցահանդեսը բացվել է հոկտեմբերի 7-ին և կտևի մինչև հունվարի 13-ը:
