Հոգեբանները կարիերա անելու ցանկություն ունեցող կանանց խորհուրդ են տալիս մտերմանալ արական սեռի գործընկերների հետ: Պարզվել է, որ կանայք, որոնք չեն անտեսում ֆլիրտը, գնահատվում են որպես առավել արդյունավետ բանակցողներ: Այս մասին հաղորդում է The Huffington Post-ը՝ հղում անելով Հաասի բիզնես դպրոցի հետազոտությանը:
Հետազոտության ժամանակ հարցում է անցկացվել 100 մարդու շրջանում, որոնք պետք է պատասխանեին այն հարցին, թե որքան հաճախ են դիմել անձնական ձգողականության ուժին՝ աշխատանքում ցանկալի արդյունքի հասնելու համար: Մինչ այդ մասնակիցները գնահատել են միմյանց բանակցային ունակությունները:
Պարզվել է, որ տղամարդկանց մոտ բանակցային ունակությունների և սոցիալական գրավչության միջև կապ չի հայտնաբերվել: Իսկ ահա կանանց մոտ ամեն ինչ այլ է.կանացի գրավչությունը ուղղակիորեն ազդել է բանակցությունների հաջողության վրա:
Իսկ ահա Լոնդոնի տնտեսագիտական դպրոցի պրոֆեսոր Կատերին Հակիմի խոսքով՝ արժե միշտ հիշել սեփական «էրոտիկ կապիտալի» մասին: Հենց ֆիզիկական գրավչությունն է մարդկանց օգնում աշխատանքի անցնել, բարձր աշխատավարձ ունենալ և մշտապես առաջ գնալ:
