Իսրայելի տարածքում պայթել է սիրիական կողմից արձակված մի քանի արկ, տուժածներ չկան,- հաղորդում է NEWSru Israel գործակալությունը:
Իսրայելական Zman գործակալությունը նշում է, որ արկերի մեծ մասն ընկել են գյուղատնտեսական ցանքսերի տարածքում՝ վնաս հասցնելով դրանց: Արկերից մեկը պայթել է Գոլանի բարձունքների հյուսիսում՝ իսրայելական գյուղերից մեկում:
Իսրայելական բանակը հետաքննում է դեպքը։ Արկերի ընկնելու վայրում աշխատում են սակրավորները և ՑԱԽԱԼ-ի փորձագետները:
NEWSru Israel-ի տվյալներով՝ սա երկար տարիների ընթացքում Սիրիայի կողմից Իսրայելի տարածքի վրա հարձակման առաջին դեպքն է: Առայժմ որևէ խմբավորում կատարվածի համար պատասխանատվություն չի ստանձնել:
Զինվորականները կարծում են, որ դա «ոչ դիտավորյալ հարված» է եղել: Հնարավոր է, որ դա «Սիրիայի կառավարական զորքերի և ապստամբների միջև բախումների սրման հետևանք է»:
MIGnews-ն իր հերթին նշում է, որ սա այդօրինակ առաջին դեպքը չէ. նախկինում նույնպես կառավարական ուժերի և ապստամբների միջև բախումների ընթացքում արկեր են ընկել Իսրայելի տարածք:
Հիշեցնենք. անցյալ շաբաթ իսրայելցի զինվորականները զորավարժություններ անցկացրին Գոլանի բարձունքներում, որի նպատակն էր ստուգել բանակային ստորաբաժանումների պատրաստականությունը իրադարձությունների զարգացման տարբեր սցենարների:
